Kampioni në fuqi i Bundesligës gjermane, Bayer Leverkusen, të shtunën e ka konfirmuar se është në krizë të rezultateve.
Leverkuseni të shtunën mbrëma barazoi me vendin e fundit në tabelë, Bochumin.
Ndeshja e xhiros së dhjetë, Bochum – Leverkusen, u mbyll 1:1.
Patrik Schick shënoi për mysafirët në minutën e 18-të, ndërsa Koji Miyoshi, e vendosi rezultatin përfundimtar me golin e minutës së 89-të.
Granit Xhaka e kompletoi ndeshjen te Leverkuseni, që në mesjavë pësoi humbje të thellë 4:0 nga Liverpooli në Ligën e Kampionëve.
Leverkuseni ka 17 pikë në dhjetë ndeshje dhe zë vendin e katërt.
Bochumi i fundit ka vetëm dy pikë.
