Mediumi i njohur gjerman “Kicker” ka shkruar sërish për talentin Erblin Osmani.
Që në fillim të një teksti të gjatë të publikuar të mërkurën, e ka përmendur emrin e tij.
“Erblin Osmani u bë tinejxheri i shtatë që debuton për Bayernin në këtë sezon. Ky numër i debutuesve e barazon rekordin e Leipzigut – deri tani”, ka shkruar “Kicker” në analizën e bërë të mërkurën.
Sipas “Kickerit”, numri i debutuesve mund të jetë edhe më i madh në këtë sezon, nëse Bayern Munichu e siguron herët titullin në elitën gjermane.
Erblin Osmani debutoi për Bayern Munichun më 21 mars në fitoren e thellë 4:0 ndaj Union Berlinit.
Edhe
Bundesliga shkruan për Osmanin, parashikon të tjera paraqitje të tij për Bayernin
Osmani, me 16 vjet e 306 ditë, u inkuadrua në minutën e 87-të në vend të Leon Goretzkas.
Ka hyrë në histori të Bayern Munichut si debutuesi i dytë më i ri në Bundesligë.
