Përzgjedhësi i Kosovës në futboll, Franco Foda, ka pranuar cilësinë e Sllovakisë, por ka thënë se do të bëjnë çdo gjë të mundur për të siguruar finalen e plejofit për kualifikim në Botërorin e këtij viti.
Sllovakia e Kosova takohen të enjten prej orës 20:45 në Bratislavë, në gjysmëfinale të plejofit. Kosova për herë të parë ka arritur në këtë fazë, ndërsa tani e synon historinë. Kualifikimi eventual në Botëror, por edhe në finale të plejofit, do të ishte sukses i jashtëzakonshëm për Kosovën.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKosova e ka nisur grumbullimin të hënën, kurse në mesditë Foda doli në konferencë për shtyp.
“Jemi të vetëdijshëm se nuk do të jetë ndeshje e lehtë. E dimë që Sllovakia ka ekip shumë të mirë. Kur e ka topin, di të luajë shumë mirë. Kemi shumë besim në ekip. Kemi treguar kualitetin tonë, kemi dëshmuar se edhe si mysafir mund të luajmë shumë mirë dhe të fitojmë ndeshje. Në tri ditët e ardhshme do të përgatitemi intenzivisht. E duam finalen në shtëpi dhe do të bëjmë çdo gjë për të fituar në Bratislavë ndaj Sllovakisë”, ka theksuar tekniku gjerman.
Ai ka shtuar se lojtarët në aspektin fizik janë të përgatitur, vijnë nga faza e ndeshjeve me skuadrat e tyre, dhe rrjedhimisht i gjithë fokusi deri të enjten do të jetë në aspektin taktik.
Te Kosova mungojnë lojtarë të rëndësishëm si kapiteni Amir Rrahmani, lideri i mesfushës, Leon Avdullahu, por eddhe Muharrem Jashari e Leart Paqarada.
Por Foda nuk është i brengosur.
“Sigurisht që mungesat e Rrahmanit dhe Avdullahut janë të rëndësishme. Rrahmani është kapiten i skuadrës dhe shumë i rëndësishëm edhe për personalitetin. Po ashtu Avdullahu është strateg shumë i madh si mesfushor. Do të na mungojnë shumë. Por kemi bërë llogaritë tona dhe besoj se do t’i gjejmë zgjedhjet e duhura. Por deri më tani kemi zëvendësuar lojtarë shumë të rëndësishëm. Gjithnjë kemi treguar se lojtarët që kanë fituar rastin e kanë merituar, e kanë arsyetuar besimin”, ka thënë Foda.
Lidhur me Avdullahun, Foda ka thënë se kanë opsione të shumta për mesfushë si Vesel Demaku, Elvis Rexhbeçaj, Florent Muslija, Veldin Hoxha, Lindon Emërllahu, Valon Berisha.
I pyetur për Bujar Pllanën, që iu bashkua Shqipërisë, Foda ka thënë se e kanë përcjellë nga afër, por se kanë vendosur për lojtarë të tjerë. Thotë se secili i përzgjedhur ka kontribuuar që Kosova të jetë në këtë pikë dhe secili është i rëndësishëm. Ai ka respektuar zgjedhjen e Pllanës, duke shtuar se secili lojtar i Kosovës, duhet të luajë me zemër dhe të marr vendimin vet.
Foda ka luajtur në ngjarje të mëdha me Austrinë, por Kosova e kërkon kualifikimin e parë. Ai e di që të gjithë e kërkojnë historinë.
“Kur ishim në grupe e kemi parë se ishin shumë të vështira. Ishte ëndërr të kalojmë fazën e grupeve. Qëllimi ishte të arrijmë të paktën në plejof. Tani jemi në plejof dhe mund të shkruajmë histori. Kosova ende nuk është kualifikuar për Botëror apo Evropian. I kemi dy ndeshjet e radhës. Duhet ta kemi parasysh që Sllovakia e ka mposhtur Gjermaninë në shtëpi. Pra ka cilësi.I kemi dy ndeshje dhe Kosovën do ta përfaqësojmë denjësisht. Lojtarët janë shumë të motivuar. Po mbizotëron shpirti luftarak. E dimë që edhe ekipi kundërshtar ka kualitet. Detajet do të vendosin. Të enjten vendoset gjithçka”.
Për Fodën e rëndësishme është që ekipi të fitojë e jo statusi i tij në rast të kualifikimit. Ai vlerëson se ekipi është zhvilluar vazhdimisht prej se e drejton Kosovën.
“E kemi këtë eufori momentale. Dhe e rëndësishme është që prej minutës së parë të jemi të bashkuar. Duhet të bëjmë çdo gjë që ta fitojmë ndeshjen, për 90 minuta, 120 minuta apo në penallti”, thotë selektori i Kosovës.
Ai e ka planin e qartë se si do të luajë ekipi në Bratislavë.
Lidhur me Edon Zhegrovën ka thënë se ai nuk ka pasur periudhë të lehtë te Juventusi, por ka shtuar se është lojtar shumë i rëndësishëm për Kosovën.
Foda e ka përmendur dy herë historinë, ndërsa ka shtuar se presionin e madh që është do të mundohen ta shndërrojnë në energji pozitive.
“Kemi treguar se në këto situata dimë të sillemi mirë. Është mundësi e mirë që nuk vjen shpesh. Të gjithë janë shumë të motivuar, por nuk duhet të jemi të tejmotivuar. Duhet ta kemi kokën e qetë, të ftohtë. Pavarësisht se çka ndodhë në fushë lojtarët duhet ta ndjekin planin. Kemi shanse të mira që të fitojmë, do të bëjmë gjithçka”,
Për Fodën është shumë e rëndësishme përkrahja e shikuesve. Ka thënë se tifozët ofrojnë energji shtesë dhe janë të rëndësishëm sidomos kur gjërat nuk shkojnë mirë. Ai çmon sidomos përkrahjen në ndeshjet në udhëtim, që falë tifozëve “janë dukur si ndeshje në shtëpi”.
Përzgjedhësi i “Dardanëve” thotë se do të jenë të përgatitur edhe për penallti eventuale. Trajneri me përvojë tashmë e di se kush do t’i gjuante ato, ndërsa ka thënë se penalltia në stërvitje me penalltinë në lojë dallojnë shumë.
Kosova e kontakton supertalentin e Bayernit
Përgjegjësit e përfaqësueses së Kosovës në futboll tashmë kanë nisur kontaktet për supertalentin 16-vjeçar të Bayernit, Erblin Osmani.
Mesfushori debutoi në fundjavë në Bundesligë. Ai aktualisht luan për të rinjtë e Gjermanisë.
“Po, tashmë drejtori Muharrem Sahiti ka pasur kontakte me familjarë të Erblin Osmanit”, ka thënë menaxheri i përfaqësueses së Kosovës, Bajram Shala në konferencë për shtyp të hënën.
Osmani ka luajtur për U16 të Gjermanisë dhe aktualisht është në grupmoshën U17. Por fakti që debutoi te Bayerni në moshën 16-vjeçare dëshmon se bëhet fjalë për talent shumë të madh.
Menaxheri Shala në konferencë ka shtuar se Leard Sadriu është ftuar te Kosova, si lojtari i 25-të. Sadriu është mbrojtës 24-vjeçar dhe paraqitet për Argesin në Rumani.
VIDEO:
Foda e di se kush do t’i gjuajë penalltitë eventuale
"Jemi përgatitur për të gjithë skenarët. Sigurisht edhe penalltitë. Kemi analizuar shumë mirë kundërshtarin dhe jemi të përgatitur për të gjithë skenarët. Mirëpo është diçka tjetër penalltia në ushtrime dhe në ndeshje. Mund t’i ushtrojmë 1000 gjuajtje në penallti, por në ndeshje është diçka tjetër. Por kemi ide të qartë se kush do t’i godiste penalltitë, kështu që jemi mirë të përgatitur edhe për to".
Foda flet për Zhegrovën
"Kemi plan të qartë dhe ide se si do të duket ekipi. Në javët e fundit e kemi përcjellë intensivisht lojën e Sllovakisë, bashkë me ekipin e trajnerëve.
E dimë që Zhegrova nuk ka pasur kohë të lehtë, por e dimë që është lojtar shumë i rëndësishëm për ne, me kualitetet që ka. Nuk mund t’u tregoj se kush do të luajë startues dhe kush sa minuta do të ketë", është shprehur selektori Franco Foda.
Foda: Presionin ta shndërrojmë në energji pozitive
"Shumë faktorë janë të rëndësishëm para ndeshjes me Sllovakinë. Njëra anë është aspekti taktik, por edhe gjendja mentale e lojtarëve.
E dimë çka na pret. Kemi mundësi ta shkruajmë historinë. Presioni është i lartë, por këtë do të mundohemi ta shndërrojmë në energji pozitive.
Kemi treguar se në këto situata dimë të sillemi mirë.
Është mundësi e mirë, këto situata nuk vinë shpesh.
Të gjithë janë të motivuar, por nuk duhet të jemi të tejmotivuar. Duhet ta kemi kokën e qetë.
Lojtarët duhet ta ndjekin planin", ka thënë Foda.
Foda flet për përkrahjen e shikuesve
“Kemi respekt të madh për fansat e Kosovës, për Dardanët. Jemi tej mase mirënjohës dhe falënderues që i kemi pasur mbështetës në të gjitha ndeshjet, sidomos ato si mysafir. Është e pabesueshme përkrahja që kishim. Publiku jep energji shtesë. Në faza të mira lojtarët luajnë mirë. Por në faza të vështira kemi nevojë për mbështetjen e publikut. Presim shumë fansa nga Kosova, por edhe nga vendet tjera. Mbështetja e tyre na jep ndjesinë sikur të jemi në shtëpi”.
VIDEO: Konferenca për shtyp
Foda: E rëndësishme të jemi të bashkuar
"Për mua është e rëndësishme që ekipi të fitojë. Kjo skuadër është zhvilluar vazhdimisht tutje, prej se jam unë këtu.
E kemi këtë eufori momentale. Dhe e rëndësishme është që prej minutës së parë të jemi të bashkuar. Duhet të bëjmë çdo gjë që ta fitojmë ndeshjen, për 90 minuta, 120 minuta apo në penallti", ka thënë Franco Foda, selektor i Përfaqësueses së Kosovës.
VIDEO: Konferenca për shtyp
Foda para ndeshjes me Sllovakinë: Mund të shkruajmë histori
"Sigurisht që i kam përjetuar ndeshjet me Kombëtaren e Austrisë. Kur kemi hyrë në grupe e kemi parë se ishin shumë të vështira. Ishte ëndërr të kalojmë fazën e grupeve. Qëllimi ishte të arrijmë të paktën në plejof. Tani jemi në plejof dhe mund të shkruajmë në histori.
I kemi dy ndeshjet e radhës. Duhet ta kemi parasysh që Sllovakia e ka mposhtur Gjermaninë në shtëpi. Pra ka cilësi.
I kemi dy ndeshje dhe Kosovën do ta përfaqësojmë denjësisht.
Lojtarët janë shumë të motivuar. Po mbizotëron shpirti luftarak.
Detajet do të vendosin. Të enjten vendoset gjithçka", ka thënë selektori Franco Foda në konferencë për media.
VIDEO: Konferenca për shtyp
Foda flet për zëvendësuesit e Avdullahut
"Demaku është në nivel të mirë dhe është lojtar që ka pasur disa ndeshje shumë të mira. Kemi edhe lojtarë të tjerë për ta mbuluar mungesën e Avdullahut. Janë Rexhbeçaj, Muslija, Hoxha, Emërllahu.
Do të vendosim me kujdes për zgjidhjet më të mira për skuadrën", ka deklaruar selektori i Përfaqësueses së Kosovës, Franco Foda.
VIDEO: Konferenca për shtyp
Foda flet për Bujar Pllanën, thotë se vendosi për lojtarë të tjerë
“Lojtarin në fjalë e kemi përcjellë. Dhe asistentët e mi e kanë përcjellë nga afër. Ne kemi vendosur për grupin e lojtarëve që kemi. Secili në këtë skuadër ka kontribuuar që të arrijmë ku jemi, të kalojmë sfidat së bashku dhe secili është i rëndësishëm.
Për Pllanën, nëse ai vendos për Shqipërinë është vendim i tij.
Secili lojtar që luan për Kosovën, luan me zemër dhe duhet të jetë vendim i tij", ka thënë selektori i Përfaqësueses së Kosovës, Franco Foda.
VIDEO:
Kosova ka shfaqur interesim për supertalentin e Bayernit
Erblin Osmani
Menaxheri i Kosovës, Bajram Shala, ka treguar se tashmë ka nisur kontakt për supertalentin e Bayernit, Erblin Osmani.
Ai debutoi në Bundesligë në moshën 16-vjeçare.
“Tashmë ka pasur Muharrem Sahiti kontakt me familjen e Erblin Osmanit”
VIDEO:
Foda flet për mungesat
"Sigurisht që mungesa e Rrahmanit dhe Avdullahut janë të rëndësishme. Rrahmani është kapiten i skuadrës dhe shumë i rëndësishëm edhe për personalitetin. PO ashtu Avdullahu është strateg shumë i madh. Do të na mungojnë shumë. Por kemi bërë llogaritë tona dhe besoj se do t’i gjejmë zgjedhjet e duhura. Por deri më tani kemi zëvendësuar lojtarë shumë të rëndësishëm.
Gjithnjë kemi treguar se lojtarët që kanë fituar rastin e kanë merituar vendin, e kanë arsyetuar besimin", ka thënë selektori Franco Foda në konferencë për shtyp.
VIDEO:
Foda: Fokusi në anën taktike
"Nga ana fizike nuk do të ketë nevojë t’i ushtrojmë lojtarët pasi ata vijnë të gatshëm nga ekipet e tyre. Theksi kryesor do të jetë në aspektin taktik. Do të punojmë që pikëpamjet tona t’i zbatojmë në fushë. Do të punojmë për zgjidhjet që do t’i kemi kundër një ekipi si Sllovakia".
VIDEO:
Selektor Franco Foda: Duam të luajmë finalen e plejofit në shtëpi
"Nuk kemi ndonjë shqetësim sa i përket ndeshjes me Sllovakinë. Jemi të vetëdijshëm se nuk do të jetë ndeshje e lehtë. E dimë që Sllovakia ka ekip shumë të mirë. Kur e ka topin di të luajë shumë mirë. Kemi shumë besim në ekip. Kemi treguar kualitetin tonë, kemi dëshmuar se edhe si mysafir mund të luajmë shumë mirë dhe të fitojmë ndeshje.
Në tri ditët e ardhshme do të përgatitemi shumë mirë. E duam finalen në shtëpi dhe do të bëjmë çdo gjë për të fituar në Bratislavë ndaj Sllovakisë".
VIDEO: