Ndonëse Anderlechti të dielën mbrëma u mposht në finale të Kupës së Belgjikës nga Club Brugge, trajneri Besnik Hasi beson se skuadra është në rrugën e dukur.
Hasi në një intervistë për “Het Nieuwsblad” deklaroi se në akademinë e Anderlechtit ka futbollistë shumë të talentuar.
"Unë mendoj se Anderlechti ka marrë rrugën e duhur. Skuadra duhet të vazhdojë në këtë rrugë. Në muajin e fundit kam parë se ka ende shumë talente në akademi. Kjo është baza”, theksoi Hasi.
53-vjeçari Hasi drejtimin e Anderlechtit e morri më 20 mars. Hasi me klubin belg ka kontratë deri në fund të edicionit. Ai e zëvendësoi David Hubertin i cili u shkarkua për shkak të rezultateve të dobëta.
Deri më tani, Hasi e ka drejtuar Anderlechtin në tetë ndeshje. Ka tri fitore, një barazim dhe katër humbje.
Hasi e ka drejtuar Anderlechtin edhe nga viti 2014 deri në vitin 2016.
