Sulmuesi shqiptar, Albion Ademi, ka qenë vendimtar në fitoren e Tianjin Jinmen Tiger në elitën e futbollit të Kinës.
Tianjin Jinmen Tiger fitoi në udhëtim te Qingdao Ëest Coast me rezultatin 3:1.
Ndeshja u zhvillua të mërkurën dhe i takoi xhiros së pestë të kampionatit kinez. Ademi fillimisht asistoi në golin për 1:0 për mysafirët në minutën e 57-të.
Më pas realizoi vetë për 2:1, pesë minuta para fundit të gjithë takimit. 25-vjeçari luajti deri në minutën e 90-të.
Në pesë ndeshjet e edicionit aktual, ai ka realizuar dy gola dhe ka dy asistime. Tianjini zë pozitën e katërt me 10 pikë, aq sa ka edhe Cangzhou në vendin e pestë.
Lider është Shanghai Shenhua me 15 pikë.
Ndërkohë, sulmuesi tjetër shqiptar, Giacomo Vrioni, ka realizuar dy gola në disfatën e thellë 5:2 të New England Revolution në udhëtim te Club America, në Kupën e Kampionëve të CONCACAF-it.
Me këtë humbje, New England Revolution është eliminuar nga kjo garë në çerekfinale.
Vrioni shënoi për 4:1 në minutën e 65-të, dhe për 5:2 në minutën e 92-të.
