Gjokaj grumbullohet me Kosovën pas lëndimit të portierit Muriq

Portieri i Prishtinës dhe U21 të Kosovës në futboll, Altin Gjokaj, është grumbulluar me përfaqësuesen A për ndeshjen miqëosre kundër Andorrës të dielën.

“Për shkak të shqetësimeve të ndiera gjatë stërvitjes së djeshme, është vendosur që portieri Arijanet Muriq të mos ngarkohet më tej, me qëllim që të shmanget çdo rrezik për ndonjë lëndim eventual. Në pamundësi që ekipit t’i bashkohet portieri Faton Maloku, i cili ishte në listën rezervë, përzgjedhësi Franco Foda, ka vendosur ta ftojë portierin e Kombëtares U21, Altin Gjokaj, i cili do t’i bashkohet Kombëtares A dhe do të jetë pjesë e saj deri në përfundim të këtij grumbullimi. Gjokaj konsiderohet një prej portierëve më premtues të gjeneratës së re dhe kjo ftesë paraqet një mundësi të rëndësishme për të fituar përvojë pranë ekipit kombëtar A”, shkruan në njoftimin e Federatës së Futbollit të Kosovës.