Në garë për t’i siguruar shërbimet e sulmuesit të Lillet, Edon Zhegrova, së fundi ka hyrë edhe gjiganti turk, Fenerbahçe. Kështu ka raportuar të shtunën “transferfeed”.
Mësohet se Feneri është i gatshëm që t’ia paguajë Lillet 25 milionë euro për reprezentuesin e Kosovës.
Zhegrova është prej futbollistëve më të kërkuar në afatin kalimtar të kësaj vere.
Ka muaj që Zhegrova e ka paralajmëruar largimin nga Lille këtë verë.
Këtë e konfirmoi ditë më parë edhe presidenti i Lillet, Olivier Letang, i cili deklaroi se Zhegrova është njëri prej futbollistëve që do të largohet.
Edhe
Zhegrova pritet të mbetet te Lille
Zhegrova te Lille është nga viti 2022. Kontrata i skadon vitin e ardhshëm.
Për sulmuesin e krahut ka interesim nga skuadra të ndryshme në Itali dhe Angli. 26-vjeçari Zhegrova nuk ka luajtur që nga 14 dhjetori i vitit të kaluar.
