Danimarka ka regjistruar fitore bindëse ndaj Maqedonisë së Veriut të enjten mbrëma në “Parken Stadium” të Kopenhagës.
Danimarka fitoi me rezultatin 4:0 dhe avancoi në finale të plejofit për Botërorin 2026.
Mikkel Damsgaard, Gustav Isaksen me dy gola dhe Christian Norgaard, shënuan në pjesën e dytë për fitoren e thellë.
Visar Musliu, Enis Bardhi dhe Lirim Qamili ishin titullar te Maqedonia e Veriut, ndërsa Isnik Alimi u inkuadrua në minutën e 64-t, në vend të Qamilit. Egzon Bejtullai nuk e fitoi rastin, ndonëse ishte në bankën rezervë.
Danimarka luan në udhëtim sërish më 31 mars, te fituesi i ndeshjes Çeki – Irlandë.
