Lindon Emërllahu ka shënuar gol, ndërsa Meriton Korenica ka asistuar. Megjithatë kontributi i reprezentuesve të Kosovës nuk ishte i mjaftueshëm për CFR Clujin që luajti 2:2 me kampionin rumun, FCSB.
Korenica në minutën e 19-të asistoi për 1:0. Emërllahu shënoi në minutën e parë shtesë të pjesës së parë për 2:1.
Por FCSB-ja e shënoi golin e barazimit në minutën e 87-të.
Emërllahu luajti deri në minutën e 78-të, kurse Korenica deri në minutën e 89-të.
Ndeshja e së dielës i takoi xhiros së tetë të elitës rumune.
Cluji është i 14-ti me gjashtë pikë, ndërsa e ka një ndeshje më pak të luajtur.