Trajneri i Barcelonës, Hansi Flick, beson se skuadra e tij nuk do të ketë telashe ta kalojë periudhën me lëndime të lojtarëve dhe të bëjë hapin e radhës drejt titullit në La Liga.
Të shtunën nga ora 21:00, Barcelona luan në udhëtim tek Athletic Bilbao.
Me fitore, Barcelona do të vazhdonte marshimin drejt një tjetër titulli në elitën spanjolle dhe do ta largonte paksa presionin që e ka nga Real Madridi.
Jules Kounde dhe Alejandro Balde u lënduan në fitoren 3:0 në gjysmëfinalen kthyese të Kupës së Mbretit, por që nuk mjaftoi për të avancuar tutje.
Mesfushorët Frenkie de Jong dhe Gavi po ashtu janë të lënduar, ndërsa është kthyer Robert Lewandowski.
Barcelonës pas eliminimit nga Kupa e Mbretit i ka mbetur të luftojë në La Liga dhe në Ligën e Kampionëve.
Edhe
Fillon “seria” e top-ndeshjeve mes Barçës e Atleticos
Në Champions, Barcelona më 10 mars e luan ndeshjen e parë të një të tetës së finales në udhëtim te Newcastle.
Me peshë të madhe do të jetë edhe ndeshja mes Osasunas dhe Mallorcas që luhet nga ora 14:00 të shtunën.
Te Mallorca pritet tjetër paraqitje e mirë e Vedat Muriqit, sulmuesit të Kosovës.
