Qëkur u mposht nga Real Madridi në muajin tetor, Barcelona i ka fituar të gjitha gjashtë ndeshjet e elitës së futbollit spanjoll.
Fitore tjetër skuadra e udhëhequr nga trajneri Hansi Flick, kërkon ndaj Osasunas të shtunën nga ora 18:30, në ndeshjen e xhiros së 16-të.
Barcelona e para ka 40 pikë, katër më shumë se Real Madridi.
Barcelona ka shfaqur formë të lartë në fazën e sulmit duke i shënuar 47 gola, të cilat i kanë ndihmuar për të qenë në krye të tabelës.
Nuk pritet të ketë telashe në fundjavë, pasi Osasuna e ka vetëm një fitore në gjashtë ndeshjet e fundit dhe është në krizë të rezultateve. Osasuna në pjesën e poshtme të tabelës ka vetëm 15 pikë. I ka fituar vetëm dy pikë në tetë ndeshje e fundit dhe i duhet paraqitje e përkryer për të fituar në “Camp Nou”.
Në dhjetë ndeshjet e fundit mes vete në ligë, Barcelona i ka fituar tetë, ka barazuar një herë dhe një herë tjetër është mposhtur nga Osasuna.
Vëmendja edhe në këtë fundjavë do të jetë te trajneri Xabi Alonso i Real Madridit.
Tekniku spanjoll humbi me Real Madridin në shtëpi në Ligën e Kampionëve nga Manchester City dhe pritej shkarkimi i Alonsos. Por tani vendimtare pritet të jetë ndeshja në udhëtim te Deportivo Alaves të dielën nga ora 21:00.