Ernest Muçi ka shënuar dy gola dhe ka kontribuuar me një asistim në fitoren e thellë të Trabzonsporit të mërkurën mbrëma në Kupën e Turqisë.
Muçi e shënoi golin e barazimit 1:1 në minutën e 41-të, asistoi për 2:1 në minutën e 57-të, ndërsa realizoi gol tjetër të bukur në minutën e 61-të për 3:1.
Muçi në minutën e 66-të u zëvendësua, ndërsa Trabzonspori fitoi thellë 6:1 në udhëtim tek Istanbulspori, në ndeshjen e dytë të fazës grupore të Kupës së Turqisë.
Trabzonspori ka tri pikë në dy ndeshje dhe është i treti në Grupin A. Lider është Galatasaray me gjashtë pikë.