Drenica ka shkëlqyer edhe në ndeshjen e dytë në kualifikimet e Ligës së Kampionëve në futsall, përkatësisht në futboll të sallës.
Kampionia e Kosovës të mërkurën pasdite në Budapest fitoi thellë, 11:1, ndaj kampiones së San Marinos, Murata.
Për skuadrën kuqezi ishte ndeshja e dytë në raundin preliminar të Championsit. Dhe fitorja e dytë me rezultat të thellë po ashtu. Të martën Drenica fitoi 6:0 ndaj kampiones së Turqisë, Sakarya.
Ndaj Muratas, skuadra kosovare ishte e pakonkurrencë.
Që në minutën e shtatë, Mërgim Dervishaj e realizoi golin e parë. Ai e përfundoi ndeshjen me dy gola. Nga dy gola i realizuan edhe Drilon Haxhijaj e Diar Deliu. Nga një në fitoren e thellë e shtuan Jakup Ramadani, Lirigzon Xhinovci, Sebastian Sanchez e Visar Aliu. Po ashtu Murata e kishte një autogol.
Edhe
Drenica “shkatërron” kampionen e Turqisë në Champions
Të premten nga ora 18:00, Drenica luan me Ujpeshtin nikoqir. Dhe fituesi do të kalojë në “Main Round” të Championsit. Vetëm fituesi i grupit në raundin preliminar avancon tutje.
Drenica për herë të parë po paraqitet në kualifikimet e Ligës së Kampionëve. Kampanjën evropiane e ka nisur me dy fitore të thella.
Drenica po shkëlqen edhe në ndeshjen e dytë të Championsit
Kampionia e Kosovës në futsall, Drenica, po shkëlqen edhe në ndeshjen e dytë të raundit preliminar të Ligës së Kampionëve. Në Budapest, Drenica po udhëheqë 4:0 pas pjesës së parë ndaj skuadrës nga San Marino, Murata.
Edhe
Fitorja e parë për Drenicën, humbja e gjashtë për Vushtrrinë
Mërgim Dervishaj e shënoi golin e parë, ndërsa dy gola të tjerë ishin të Drilon Haxhijajt. U realizua edhe një autogol.
Dje Drenica fitoi 6:0 ndaj kampiones së Turqisë, Sakarya.
