Max Dowman, i cili u bë futbollisti më i ri që luajti në Ligën e Kampionëve, kur si 15-vjeçar u aktivizua këtë edicion, ka nënshkruar parakontratë me Arsenalin. Parakontrata më pas do të kthehet në kontratë profesionale kur ai të jetë 17-vjeçar.
Lajmi u bë i ditur nga Arsenali të premten.
Me 15 vjet e 208 ditë, Dowman hyri në lojë si zëvendësues në fitoren 3:0 të Arsenalit ndaj Slavia Pragës në muajin nëntor.
Në muajin gusht ai u bë lojtari i dytë më i ri – prapa bashkëlojtarit Ethan Nwaneri – që luajti në Premier League.
“Kam qenë në këtë klub gjithë jetën time dhe kjo do të thotë shumë. Është rrugë e qartë këtu, lojtarët që kanë ardhur nga Akademia jonë si Bukayo, Myles dhe Ethan, më inspirojnë me të vërtetë”, ka deklaruar Dowman.
Edhe
Dowman shkruan histori në Premier League
Dowman, i cili ende është në shkollë, është mesfushor me tipare sulmuese.
Debutoi tek Arsenali U18 si 13-vjeçar. Ai ishte vetëm 14-vjeçar kur u kërkua nga Mikel Arteta që të stërvitet me ekipin e parë.
