Chelsea është pajtuar me kushtet për transferimin e Liam Delapit.
“Blutë” duhet t’i paguajnë Ipswichit afro 40 milionë euro, aq sa është edhe klauzola e sulmuesit.
Chelsea tani do të diskutojë çështjet personale me përfaqësuesit e futbollistit të cilat janë vetëm formale, para se të kryhen testet mjekësore, ka shkruar “Sky Sport” të enjten.
Liga e Kampionëve është arsyeja kryesore që Delap i është bashkuar Chelseat.
Sulmuesi 22-vjeçar luajti bashkë me portierin e Kosovës, Arijanet Muriq, tek Ipswichi. Ai pati 40 ndeshje në të gjitha garat e këtij edicion. I realizoi 12 gola dhe pati dy asistime.
Por, nuk arriti ta sigurojë mbijetesën në elitën angleze, pasi Ipswichi e përfundoi sezonin në vendin e 19-të, me 22 pikë.
