Përzgjedhësi Jesse Marsch e ka përfshirë mbrojtësin e Bayern Munichut, Alphonso Daviesin në listën e 26 futbollistëve për Kupën e Botës.
Sipas Marschit, kjo është lista më e mirë që Kanadaja e ka pasur.
Botërori i këtij viti organizohet në Kanada, Meksikë dhe SHBA.
25-vjeçari Davies ishte në dyshim nëse do të luajë në Kupën e Botës këtë verë, pasi është duke u rikuperuar nga një zgjatje e muskulit.
Në listë është edhe Jonathan David i Juventusit.
Ka edhe emra tjerë të njohur. Stephen Eustaquio i Portos, Tajon Buchanan dhe Tani Oluwaseyi të Villarrealit, dhe Cyle Larin i Southamptonit, po ashtu janë në listë.
Edhe
Te Kanadaja besojnë se Davies do të luajë në Botëror
“Ne e kemi grupin e 26 lojtarëve më të mirë që ky shtet e ka pasur ndonjëherë në të njëjtën kohë”, ka thënë Marsch, shkruan BBC të shtunën.
Kanadaja e nis Botërorin më 12 qershor, me ndeshjen ndaj Bosnjë-Hercegovinës.
Në grup janë edhe Zvicra dhe Katari.
