Futbollisti më në formë tek AIK-u suedez, Bersant Celina, është detyruar të largohet para kohe nga stërvitja e zhvilluar të mërkurën. Largimi i tij para kohe nga stërvitja ka ngjallur reagime të shumta në Suedi. AIK-u të dielën e luan derbin ndaj Djurgardenit, në kuadër të xhiros së shtatë të elitës së futbollit suedez.
Te klubi suedez kanë thënë se Celina nuk është i lënduar, por ka ndier lodhje.
“Ndjeu lodhje”, ka thënë shkurt trajneri i AIK-ut, Mikkjal Thomassen.
Celina 28-vjeçar ka shënuar dy gola dhe ka asistuar dy herë në gjashtë ndeshjet e para të këtij edicioni në Suedi.
