Lëndimi i rëndë e la jashtë fushave për kohë të gjatë sulmuesin Armando Broja. Reprezentuesi i Shqipërisë tashmë e ka tejkaluar lëndimin dhe po e shijon aventurën te skuadra e Evertonit.
Broja pati minuta në dy ndeshjet e fundit në Premier League.
23-vjeçari Broja foli për periudhën e vështirë të cilën ishte duke e kaluar gjatë trajtimit të lëndimit. Ai theksoi se klubi i Evertonit e ka mbështetur shumë gjatë lëndimit.
“Po kaloja një periudhë të vështirë me lëndimin. Evertoni tregoi shumë interes për mua dhe klubi më mbështeti kështu që i detyrohem shumë. Më ndihmoi shumë gjatë dëmtimit tim dhe më ktheu në formë. Në skuadër më kthyen përsëri të buzëqeshur në fushë dhe unë jam vërtet mirënjohës ndaj të gjithëve. E kalova atë proces rikuperimi dhe po ndihem mirë”, ka thënë Broja, shkruajnë të hënën mediumet angleze.
Broja u huazua për një vit tek Evertoni nga Chelsea, në afatin kalimtar të verës.
Edhe
Broja “pa dhimbje”, premton gola e asistime për Evertonin
Nëse vendosë ta transferojë pas një viti, Evertoni duhet të paguajë 30 milionë euro për Brojën.
Me Chelsean, Broja ka kontratë deri në verën e vitit 2028.
