Brazili dhe Ekuadori janë kualifikuar për Kupën e Botës 2026 dhe janë bërë pjesëmarrëset e 12-të dhe të 13-të në turneun më prestigjioz të përfaqësueseve më të mira në botë.
Brazili mposhti Paraguain në Sao Paulo, dhe Carlo Ancelotti arriti fitoren e parë në ndeshjen e dytë si trajner i Seleçaos.
Brazili fitoi 1:0, ndërsa goli që i siguroi kualifikimin dy xhiro para përfundimit të kualifikimeve u shënua nga Vinicius Junior.
Përveç Brazilit, edhe Ekuadori siguroi një vend në mesin e përfaqësueseve më të mira të botës me barazim pa gola ndaj Perusë.
Argjentina, e cila ishte kualifikuar që në mars, nuk shkëlqeu në shtëpi duke barazuar 1:1 ndaj Kolumbisë.
Thiago Almada shënoi për argjentinasit, të cilët luajtën me një lojtar më pak nga minuta e 70-të pas përjashtimit të Enzo Fernandezit, ndërsa për Kolumbinë realizoi Luis Diaz.
Edhe
Bolivia siguron plejofin me fitore ndaj Brazilit, Argjentina befasohet nga Ekuadori
Uruguai mposhti Venezuelën me rezultat 2:0 dhe tashmë është shumë pranë kualifikimit, duke pasur nevojë vetëm për një pikë në dy ndeshjet e fundit.
Golat për Uruguain i shënuan Rodrigo Aguirre dhe Giorgian de Arrascaeta.
Dy xhirot e fundit të kualifikimeve të Amerikës së Jugut do të luhen më 3 dhe 6 shtator, kur do të mësojmë edhe tre ekipet e fundit që do të kualifikohen për Kupën e Botës, si dhe përfaqësuesen që do të luajë në plejofin ndërkontinental.
