Legjenda e futbollit kroat, Zvonimir Boban, ka thënë se nuk dëshiron të jetë pasues i Aleksander Çeferinit në postin e presidentit të UEFA-s.
Por, ai ka theksuar të enjten se trupi qeverisës i futbollit evropian ka nevojë për “një njeri të vërtetë të futbollit”, dhe jo për dikë se mendon se është më i madh se vetë loja.
Ish-futbollisti i Kroacisë dhe Milanit dha dorëheqje nga posti i shefit të futbollit në UEFA në muajin janar në protestë të Çeferinit që bënte ndryshime në statut për të mbetur edhe më gjatë në krye të UEFA-s.
Çeferini më vonë e kishte quajtur Bobanin palaço në muajin shkurt, në Kongresin e UEFA-s.
“Nuk kam ndonjë interes. Por UEFA ka nevojë për një njeri të vërtetë të futbollit”, ka thënë Bobani, shkruan “Associated Press” të enjten.
Edhe
Boban jep dorëheqje nga UEFA, shkak pakënaqësitë me ndryshimet e propozuara
Bobani i ishte bashkuar UEFA-s në vitin 2021 si këshilltar i Çeferinit.
“Më vjen keq se si janë ndarë rrugët tona”, ka thënë Bobani të enjten, duke deklaruar se prej asaj kohe nuk ka folur më me Presidentin e UEFA-s.
