Bayern Muncheni synon fitore edhe në ndeshjen ndaj Werder Bremenit.
Bayerni të shtunën nga ora 15:30 luan në udhëtim te Bremeni. Kjo ndeshje i takon xhiros së 22-të të Bundesligës.
Do të luajnë dy skuadra me objektiva të ndryshme, Bremeni që lufton për mbetje në elitë dhe Bayerni për titullin e kampionit.
Bayerni e mban pozitën e parë me 54 pikë. Bremeni ka 19 pikë në vendin e 16-të.
Për të dyja skuadrat pikët janë me shumë rëndësi.
Edhe
Bayerni luan me Heidenheimin, Leipzigu pret Leverkusenin
Werder Bremeni nuk ka fituar në 11 ndeshjet e fundit në Bundesligë. Ka katër barazime dhe shtatë humbje.
Bayerni xhiron e kaluar u kthye me fitore ndaj Hoffenheimit, pas dy ndeshjeve pa rezultat pozitiv.
Bavarezët kanë shënuar gol në secilën nga 33 ndeshjet e fundit në elitën gjermane.
Xhiroja e 22-të filloi me ndeshjen që u zhvillua të premten mes Borussia Dortmundit dhe Mainzit.
Një tjetër ndeshje e fortë do të luhet të shtunën. Nga ora 15:30 takohen Hoffenheimi dhe Freiburgu.
Hoffenheimi është në rrugë të mirë për ta siguruar një vend për në garat evropiane në edicionin e ardhshëm.
Edhe
Schalke synon ta befasojë Bayernin
Te Hoffenheimi luajnë tre futbollistët e Kosovës, Fisnik Asllani, Leon Avdullahu dhe Albian Hajdari.
Hoffenheimi ka 42 pikë në pozitën e tretë. Freiburgu e zë vendin e shtatë me 30 pikë.
