Bayern Muncheni është mposhtur nga skuadra e kategorisë së tretë të futbollit gjerman, Wehen, me rezultatin 2:1.
Ndeshja e zhvilluar të shtunën pasdite në Wiesbaden ishte miqësore.
Ibrahim Ati Allah e kaloi në epërsi Wehenin në minutën e dhjetë.
Bayerni i barazoi shifrat në 1:1 në minutën e 58-të me golin që e realizoi Tom Bischof nga penalltia.
Ndërsa golin e fitores 2:1 për Wehenin e shënoi Lukas Schleimer në minutën e 85-të.
Futbollisti me prejardhje nga Kosova, Arijon Ibrahimoviq, luajti nga fillimi i pjesës së dytë për bavarezët.
Bayerni u shfaq pa disa prej futbollistëve kryesorë, pasi trajneri Vincent Kompany shfrytëzoi rastin për t’u dhënë minuta lojtarëve të rinj.
Edhe
Arijon Ibrahimoviq asiston te Bayerni
Bayerni edicionin e kaluar e fitoi titullin e kampionit në Gjermani.
Për gjigantin gjerman, kjo ishte miqësorja e parë në kuadër të përgatitjeve për edicionin e ri.
Bayerni do të zhvillojë edhe katër përballje të tjera miqësore gjatë fazës përgatitore.
