Qendërmbrojtësi Adrian Bajrami pritet të largohet nga skuadra portugeze, Benfica.
“Somosfanaticos” ka shkruar të premten se Bajrami do të huazohet te klubi zviceran, Luzern.
Te Luzerni luan mbrojtësi i Kosovës, Ismajl Beka.
Bajrami edicionin e kaluar me Benfican i luajti 358 minuta. Në elitën portugeze e kishte një paraqitje.
Ai ka hasur në konkurrencë të madhe. Antonio Silva dhe Nicolas Otamendi luajtën në qendër të mbrojtjes.
Bajrami në Kupën e Botës për Klube që po mbahet në SHBA u paraqit në dy ndeshje për Benfican.
Edhe
Pasi u paraqit në Botëror me Benfican, Bajrami huazohet te Luzerni
Benfica u eliminua në një të tetën e finales nga Chelsea që tashmë do të përballet në finale të Botërorit të Klubeve me PSG-në të dielën.
23-vjeçari është zhvilluar si futbollist në akademinë e gjigantit portugez.
Bajrami me Kombëtaren e Shqipërisë i ka luajtur tri ndeshje.
