Atletico Madridi ka bërë hap të madh drejt çerekfinales së Ligës së Kampionëve.
Të martën mbrëma në “Metropolitano” të Madridit, Atletico fitoi 5:2 ndaj Tottenhamit.
Tottenhami, që po ka telashe të mëdha në Premier League, kishte një pjesë të parë katastrofale.
Marcos Llorente shënoi që në minutën e gjashtë, ndërsa Antoine Griezmann realizoi për 2:0 në minutën e 14-të. Menjëherë në minutën e 15-të shënoi Julian Alvarez e në minutën e 22-të edhe Robin Le Normand.
Pedro Porro ngushtoi rezultatin në 4:1 në minutën e 26-të.
Edhe
Atletico e shënon edhe një gol
Alvarez shënoi tjetër gol për Atleticon në minutën e 55-të, kurse Dominic Solanke vendosi rezultatin përfundimtar, 5:2, në minutën e 76-të.
Portieri Antonin Kinsky gaboi në dy prej tre golave të parë të pësuar nga Tottenhami dhe la fushën në minutën e 17-të.
