Kosovare Asllani ia ka siguruar të dielën fitoren skuadrës së London City Lionesses.
London City Lionesses e mposhti në shtëpi West Ham Unitedin me rezultatin 1:0.
Ndeshja i takoi xhiros së gjashtë të elitës angleze për futbolliste.
Asllani golin e fitores për skuadrën e saj e shënoi në minutën e 68-të dhe ka festuar duke formuar figurën e shqiponjës dykrenare. Luajti deri në minutën e 80-të dhe ishte më e dalluara në fushë.
Për 36-vjeçaren Asllani që është kapitene e Përfaqësueses së Suedisë ky ishte goli i dytë këtë edicion.
Gol realizoi edhe në ndeshjen hapëse të edicionit 2025/26 në disfatën që e pësoi London City Lionesses 4:1 nga Arsenali.
Asllani ka kontribuar edhe më një asistim.
London City Lionesses ka nëntë pikë dhe e zë vendin e pestë.