Mbrojtësi austriak David Alaba, mund të mos paraqitet për Real Madridin deri në fund të vitit 2025.
Mediumi spanjoll “Mundo Deportivo” të martën ka raportuar se lëndimi i rëndë që e ka pësuar Alaba mund ta lë jashtë fushave për më shumë se një vit.
Alaba kishte pësuar lëndim të rëndë në gjurin e këmbës së majtë në dhjetor të vitit 2023.
Selektori i Austrisë, Ralf Rangnick, e përfshiu në shtabin teknik të tij, që Alaba të jetë afër bashkëlojtarëve në Evropian.
32-vjeçari është pjesë e Real Madridit nga viti 2021. Ai ishte transferuar nga gjiganti gjerman Bayern Munich. Te Bayerni ishte për një dekadë.
