Ermal Krasniqi do të jetë pjesë e Sparta Pragës nga sezoni i ri, ka raportuar të enjten “Sport.ro”. Sparta u shpall kampion këtë sezon në Çeki, pjesë e së cilës është edhe mesfushori i Shqipërisë, Qazim Laçi.
Krasniqi do të largohet pas vetëm gjysmësezoni me Rapid Bukureshtin, që do të përfitojë 2 milionë euro nga shitja e 25-vjeçarit.
Rapidi e bleu anësorin e Kosovës gjatë janarit të këtij viti për 1 milion euro nga Cluji. Për vetëm gjashtë muaj, Rapidi do të përfitojë dyfishin e kësaj shume.
Madje, edhe 300 mijë euro të tjera janë në formë e bonuseve. Rapidi gjithashtu do të mbajë përqindje në shitjen e ardhshme të Krasniqit.
Krasniqi luajti 34 ndeshje me Rapidin e Clujin sezonin e kaluar, duke shënuar gjashtë gola dhe duke asistuar pesë herë.
Ai ishte shitur te Cluji në janar të vitit 2023 nga Ballkani për rreth 400 mijë euro.
Edhe
Tjetër hap i madh i Krasniqit, kalon te kampioni i Çekisë
Rapidi gjithashtu pritet ta bëjë shitjen më të shtrenjtë në histori, pasi do ta pranojë ofertën prej 6 milionë eurove të Rangersit për sulmuesin Albion Rrahmani.
LEXO EDHE:
