Aktorja e njohur Rina Krasniqi ka treguar përvojën e saj në serlialin “Bookish” të BBC-së, ku luan rolin e motrës së mbretit Ahmet Zogu, Nafijen.
Krasniqi në “Flladi Veror” në KTV ka treguar për përvojën e saj në këtë serial.
“Seriali ka pasur e vazhdon të ketë sukses jashtëzakonisht të madh internacional, në Evropë e më gjerë. Aty e luaj motrën e mbretit Ahmet Zogu, princeshën Nafije Zogu së bashku me aktoren greke Angeliki Papoulia që luan motrën time tjetër Ruhije Zogun. Ajo është aktore fantastike që ka luajtur në filma të Jorgos Lanthimos, që ka qenë i nominuar për Oscar dhe ka fituar”, ka thënë Krasniqi.
Krasniqi ka thënë se ka qenë përvojë shumë përmbushëse dhe i ka dhënë shumë motivim për të vazhduar përpara me projekte tjera. Por, ka treguar se ishte përgjegjësi të luante rolin.
“Është përgjegjësi e madhe dhe në të njëjtën kohë në aspekt të veçantë krenari shumë e madhe të përfaqësosh një pjesë të veçantë të historisë shqiptare në një produksion të tillë madhor evropian dhe botëror”, ka thënë Krasniqi.
Biseda e plotë: