Çekia nuk e ruan epërsinë, barazon me Afrikën e Jugut
Çekia ishte afër fitores së parë në këtë Botëror ndaj Afrikës së Jugut pasi kishte epërsi 1:0 prej minutës së gjashtë kur shënoi Michal Sadilek. Por, çekët nuk e ruajtën epërsinë e krijuar dhe pranuan gol në minutën e 83-të nga penalltia të cilën e konkretizoi në gol Teboho Mokoena.
Dhe kështu, ndeshja e xhiros së dytë e Grupit A mes Çekisë dhe Afrikës së Jugut, e zhvilluar në Atlanta, u mbyll 1:1.
Çekia e treta dhe Afrika e Jugut në vendin e katërt, kanë nga një pikë pas dy ndeshjeve. Në grup janë edhe Meksika dhe Koreja e Jugut.
Afrika e Jugut barazon rezultatin
Afrika e Jugut e ka barazuar rezultatin ndaj Çekisë.
Gol nga penalltia realizoi Teboho Mokoena, në minutën e 81-të.
Penalltia u sinjalizua menjëherë nga gjyqtarja Tori Penso, pasi pas një gjuajtje drejt portës, mesfushori me tipare sulmuese i Çekisë, Pavel Shulc, e preku topin me dorë.
Mokoena nuk gaboi nga 11 metërshi.
Mbyllet pjesa e parë, Çekia në epërsi
Çekia e ka mbyllur pjesën e parë me epërsi 1:0 ndaj Afrikës së Jugut.
Golin e vetëm në pjesën e parë në minutën e gjashtë, e realizoi Michal Sadilek, i cili shënoi me asistim të Alexandr Sojkas.
Çekia në epërsi ndaj Afrikës së Jugut
Çekia ka kaluar në epërsi të hershme ndaj Afrikës së Jugut.
Michal Sadilek realizoi për 1:0 në minutën e gjashtë.
Publikohen formacionet zyrtare të ndeshjes Çekia – Afrika e Jugut
Photo: Associated Press
Çekia dhe Afrika e Jugut do të takohen mes vete nga ora 18:00 në Atlanta, në ndeshjen e dytë që i takon Grupit A ku janë edhe Meksika dhe Koreja e Jugut.
Çekia e Afrika e Jugut i humbën dy ndeshjet e para. Fitorja do t’u ndihmonte për të shpresuar në avancim tutje.
Formacioni i Çekisë:
Kovar, Holes, Hrnac, Coufal, Krejçi, Darida, Cerv, Sadilek, Sojka, Hlozek, Schick
Formacioni i Afrikës së Jugut:
Williams, Modiba, Mbokazi, Mudau, Okon, Mokoena, Mbatha, Adams, Appollis, Maseko, Rayners
