Lionel Messi e ka nisur në mënyrë të pabesueshme Kupën e Botës në futboll.
Superylli argjentinas ka kompletuar “hat-trickun” në ndeshjen ndaj Algjerisë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoMessi është vetëm argjentinasi i tretë që ka realizuar tre gola në një ndeshje të Botërorit.
Ai po e luan ndeshjen e 200-të për Argjentinën, ndërsa i ka 120 gola.
Në Botërorë, Messi i ka 16 gola. Tani e ndan rekordin me Miroslav Klosen.
Messi ka lëshuar fushën në minutën e 79-të, te rezultati 3:0. Është përcjellë me thirrje të shumta të tifozëve.
Natë historike për Lionel Messin
Lionel Messi e ka nisur në mënyrë të shkëlqyer Kupën e Botës në futboll.
Superylli i futbollit ka realizuar “hat-trick” në fitoren e Argjentinës ndaj Algjerisë. Argjentina fitoi 3:0 në ndeshjen e së mërkurës në mëngjes. Ndeshja u luajt në Kansas City dhe i takoi Grupit J.
Messi shënoi supergol në minutën e 17-të për 1:0. I shtoi edhe dy gola të tjerë për njërën prej netëve më të mira në karrierën e mahnitshme. Për 2:0 shënoi në minutën e 60-të, kurse për 3:0 në minutën e 76-të. Është tregolëshi i tij i parë në Kupa të Botës, ku po paraqitet për herë të gjashtë.
Messi e la fushën në minutën e 80-të dhe u largua mes duartrokitjeve dhe thirrjeve të mëdha të tifozëve.
Ai e luajti ndeshjen e 200-të për Argjentinën, ndërsa tani i ka 120 gola.
Në Botërorë, Messi i ka 16 gola. E ndan rekordin për më së shumti gola me gjermanin Miroslav Klose.
Ky megjithatë është vetëm fillimi për fenomenin argjentinas. Me Messin në fushë, Argjentina kërkon ta mbrojë titullin e botës.