Të paktën 15 ushtarë kanë vdekur dhe tre janë plagosur rëndë në një zjarr në një kazermë në Armeninë lindore, ka njoftuar Ministria e Mbrojtjes të enjten, transmeton BBC.
“Sipas informacioneve fillestare, 15 ushtarë vdiqën për shkak të zjarrit që shpërtheu në departamentin e inxhinierisë dhe snajperëve. Gjendja e tre ushtarëve të tjerë është e rëndë”, thuhet në njoftim.
Sipas njoftimit të Ministrisë, zjarri ka rënë të enjten në orët e para të mëngjesit në fshatin Azat të krahinës së Gegharkunikut dhe ende nuk dihet shkaku.
Armenia, një vend kaukazian me tre milionë banorë, po rikuperohet nga disfata e rëndë e pësuar në luftën e vitit 2020 kundër Azerbajxhanit fqinj dhe nga kriza politike që pasoi. Pavarësisht se luftimet kanë përfunduar, tensionet vazhdojnë ende mes dy vendeve fqinje, ish-komponentëve të ish-Bashkimit Sovjetik.
Tensionet e fundit këto ditë kanë të bëjnë me bllokadën e Korridorit të Laçinit, i cili lidh Armeninë me rajonin e Nagorno-Karabakut, i njohur ndërkombëtarisht si pjesë e Azerbajxhanit, por i kontrolluar nga minoriteti etnik armen, me ndihmën e Armenisë.
-
Katër ushtarë armenë të vrarë në një sulm kufitar në Azerbajxhan
-
Të paktën 20 të vdekur nga një shpërthim në Nagorno-Karabakh
-
Përshkallëzon situata në kufirin mes Armenisë dhe Azerbajxhanit, ka të vdekur
-
Armenia dhe Azerbajxhani bien dakord për një armëpushim të ri
-
Pothuajse 100 të vdekur nga luftimet mes Armenisë e Azerbajxhanit