Presidenti i Ukrainës, Volodymyr Zelensky, ka thënë se inteligjenca ukrainase ka identifikuar 155 shtetas kinezë që po luftojnë bashkë me forcat ruse, një ditë pasi Ukraina tha se dy kinezë ishin zënë.
Kina vazhdimisht ka mohuar përfshirjen në luftë.
Një zëdhënës i Ministrisë së Jashtme kineze pati thënë të mërkurën se çfarëdo pretendimi se shtetas kinezë po luftojnë në Ukrainë është i pabazë, raportoi CNN.
Një dokument i agjencive të sigurisë ukrainase ka treguar një listë me mbi 150 kinezë që kanë shërbyer në forcat ruse.
“Ne po mbledhim informacione dhe besojmë se ka edhe më shumë”, ka thënë Zelensky.
Zelensky ka thënë se Ukraina është e gatshme t’i shkëmbejë dy kinezët e kapur me të burgosur ukrainas të luftës.
Artikuj të ngjashëm
-
Kremlini mohon përfshirjen e Kinës në luftën në Ukrainë
-
Zelensky: Kina po mbyll sytë ndaj shtetasve të saj që po luftojnë për Rusinë
-
Kina po verifikon kapjen në Ukrainë të dy shtetasve kinezë duke luftuar për Rusinë
-
Zelensky thotë se janë kapur shtetas kinezë duke luftuar për Rusinë
-
Zelensky u bën thirrje aleatëve t'i përgjigjen përfshirjes së Koresë së Veriut në luftë