Украинскиот претседател Володимир Зеленски изјави дека украинското разузнавање идентификувало 155 кинески државјани кои се борат заедно со руските сили, еден ден откако Украина соопшти дека двајца Кинези биле заробени.
Кина постојано негираше вмешаност во војната.
Портпаролот на кинеското Министерство за надворешни работи во средата изјави дека секое тврдење дека кинески државјани се борат во Украина е неосновано, објави Си-Ен-Ен.
Документ од украинските безбедносни агенции покажа список со над 150 Кинези кои служеле во руските сили.
„Собираме информации и веруваме дека има повеќе“, рече Зеленски.
Зеленски изјави дека Украина е подготвена да ги замени двајцата заробени Кинези за украински воени заробеници.