Presidenti ukrainas, Volodymyr Zelensky e ka quajtur presidentin rus, Vladimir Putinin “skllav të luftës”.
“Ai mund të mendojë se është një car, por në realitet është një skllav i luftës,” tha presidenti ukrainas gjatë Konferencës së Sigurisë në Mynih, duke iu referuar liderit rus.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoZelensky pranoi se ndjente “pak presion” nga Donald Trump, pasi presidenti amerikan i kishte thënë udhëheqësit ukrainas që të mos humbë mundësinë për paqe dhe e kishte nxitur “të veprojë”. Ai u ankua se SHBA shpesh i kërkonin koncesione Ukrainës, dhe jo Rusisë, ndërsa përsëriti kërkesën për garanci sigurie 20-vjeçare.
“Amerikanët shpesh kthehen te tema e koncesioneve dhe shumë herë këto koncesione diskutohen vetëm në kontekstin e Ukrainës, jo të Rusisë,” tha Zelensky. Ai konfirmoi se SHBA-ja i kishte propozuar garanci sigurie 15-vjeçare, megjithatë Ukraina kërkonte të paktën 20 vjet.
Më herët gjatë konferencës, Britania akuzoi Rusinë për vrasjen e liderit opozitar Alexei Navalny me një helm të zhvilluar nga një toksinë e bretkos. Megjithatë, Moska hodhi poshtë këtë akuzë, duke e cilësuar si një “fushatë dezinformimi” perëndimore kundër saj.