Vendet e Lindjes së Mesme të prekura më së rëndi nga lufta në Ukrainë

Vendet e Lindjes së Mesme tashmë të shkatërruar nga lufta dhe uria po përballen me vuajtje edhe më të rënda pas luftës në Ukrainë, thotë një organizatë bamirëse, shkruan BBC.

Në Jemen, kostoja e miellit është rritur me 42%, buka me 25%, vaji i gatimit me 62.8% dhe sheqeri me 35.7% midis janarit dhe majit 2022, sipas Mercy Corps.

Në partneritet me Programin Botëror të Ushqimit, bamirësia ofron kupona për më shumë se 30 mijë familje në Jemen për t'i ndihmuar ata të blejnë ushqim.

Si në Sana'a ashtu edhe në Aden, me 100 YER [monedha e Jemenit] tani mund të blesh vetëm tre bukë në vend të katër - dhe rritja e çmimeve të plehrave po i largon fermerët nga kultivimi i kulturave që mund të plotësojnë nevojat ushqyese.

Në Siri, ndarja e miellit për furrat publike në Aleppo City është ulur me 25% që nga marsi, me 50% në Tafas dhe me 20% në Damask, duke i detyruar qytetarët t'u drejtohen furrave private për furnizimin me bukë, të cilat janë rritur në çmim me 94%.

Në Liban, njerëzit po përballen me efektet e rritjes së çmimeve të ushqimeve, karburanti tani është përtej mundësive të shumë njerëzve dhe kriza e energjisë elektrike në vend do të përkeqësohet me rritjen e çmimeve të karburantit, thotë organizata bamirëse.

Varfëria, tensionet dhe migrimi pritet të rriten të gjitha.

Edhe Botë 9 maj 2022 Lufta në Ukrainë thellon krizën e bukës së refugjatëve sirianë

Drejtori rajonal i shoqatës për Lindjen e Mesme, Arnaud Quemin, thotë se lufta në Ukrainë "po i shtyn njerëzit më shumë në uri, varfëri dhe mbështetje te ndihma".

Këto vende "tashmë po përballeshin me konflikt të vazhdueshëm, paqëndrueshmëri politike, trazira ekonomike, ndikime klimatike dhe keqmenaxhimin e burimeve natyrore", shtoi Quemin.

Ai bëri thirrje për "angazhime të rëndësishme financiare nga komuniteti ndërkombëtar".