Pasojat e një sulmi kibernetik që preku sistemet e regjistrimit në disa aeroporte evropiane të shtunën, po vazhdojnë edhe të dielën, teksa pasagjerët u përballën me dhjetëra fluturime të anuluara dhe të vonuara.
Duke filluar nga e premtja vonë, aeroportet kryesore në Bruksel, Londër dhe Berlin u goditën nga ndërprerjet në sistemet elektronike, që penguan regjistrimin dhe detyruan stafin e linjave ajrore të provonin opsione si shkrimi me dorë i kartave të hipjes në bord ose përdorimi i laptopëve rezervë.
Shumë aeroporte të tjera evropiane nuk u prekën.
Nuk është ende e qartë se kush mund të qëndronte pas sulmit kibernetik, por ekspertët kanë thënë se mund të jenë hakerë, organizata kriminale ose aktorë shtetërorë.
Sulmi kibernetik preku softuerin e Collins Aerospace, sistemet e së cilës ndihmojnë pasagjerët të regjistrohen, të shtypin kartat e hipjes në bord dhe etiketat e çantave, dhe të dërgojnë bagazhet e tyre.
Edhe
Vazhdojnë vonesat në fluturimet nëpër Evropë për shkak të sulmit kibernetik
Kompania me seli në SHBA përmendi të shtunën një "ndërprerje të lidhur me kibernetikën" në softuerin e saj në aeroporte "të zgjedhura" në Evropë.
Teksa aeroportet Heathrow i Londrës dhe Brandenburg o Berlinit njoftuan për mbërritje dhe nisje më të rregullta të dielën, Aeroporti i Brukselit ende po përballet me probleme të konsiderueshme.
-
Kaos në aeroportet kryesore evropiane pas sulmeve kibernetike
-
Arrestohet në Britani një i dyshuar për sulmin kibernetik në aeroportet evropiane
-
Vazhdojnë vonesat në aeroportin e Berlinit për shkak të sulmit kibernetik
-
Agjencia kibernetike e BE-së thotë se softueri i aeroporteve po mbahet peng nga kriminelët