Komisionari i ri i Zgjerimit i BE-së, Oliver Varhelyi, tha se iniciativa për krijimin e një “mini-Schengeni” midis vendeve të Ballkanit Perëndimor është e mirëseardhur, me kusht që të gjithë në rajon të mund të bashkohen në të.
“E mirëpres iniciativën, por sigurohuni që secili i interesuar nga rajoni mund të bashkohet në të në çdo moment”, ka thënë ai, raporton ksp.
Në debatin para Komisionit për Punë të Jashtme të Parlamentit Evropian, komisionari i Zgjerimit tha se “çdo bashkëpunim rajonal” midis vendeve të Ballkanit Perëndimor përpara pranimit në Bashkimin Evropian është “i mirëpritur”.
Varhelyi tha se “mini-Schengeni” do të lehtësonte kalimin e kufijve, do të ndihmonte tregtinë dhe kontaktet midis njerëzve në Ballkanin Perëndimor.
“Mirëpres idenë e një mini-Schengeni, por i vë edhe një kusht: bëjeni atë të arritshëm për të gjithë në Ballkanin Perëndimor”, porositi ai.
-
Mini-Schengeni: BE-ja mbështet secilën nismë që ndihmon bashkëpunimin rajonal
-
Varhelyi: Ballkani Perëndimor përparësi e BE-së
-
Varhelyi: BE-ja përmes planit për Ballkanin synon zbatimin e ujdive Kosovë-Serbi
-
Michel tha se BE-ja e gatshme për zgjerim në vitin 2030, Varhelyi: S'është çështje datash
-
Varhelyi takon Sarrazinin, flasin për Ballkanin Perëndimor