Një njësi ushtarake ukrainase ka thënë të mërkurën se ka shpartalluar një brigadë këmbësorie ruse nga territori i vijës së parë pranë Bakhmutit, raportoi Reuters.
Më vonë gjatë ditës, gjeneralkoloneli Oleksandr Syrskyi, i cili kryeson forcat tokësore të Ukrainës, tha se njësitë ruse në disa pjesë të Bakhmutit janë tërhequr deri në 2 km si rezultat i kundërsulmeve.
Njësitë e Wagnerit kanë udhëhequr një sulm rus prej muajsh në qytetin lindor, por forcat ukrainase thonë se ofensiva po ngec.
Moska nuk ka komentuar mbi raportet se Brigada e saj e 72-të e Veçantë e Pushkës me Motorr kishte braktisur pozicionet në periferinë jugperëndimore të Bakhmut.
Një brigadë ruse zakonisht përbëhet nga disa mijëra trupa. Bakhmuti është objektivi kryesor i ofensivës së madhe dimërore të Moskës dhe skena e luftimeve tokësore më të përgjakshme në Evropë që nga Lufta e Dytë Botërore.
Edhe
Ukraina tërhiqet nga qyteti lindor i Siverskut
Zëvendësministrja e Mbrojtjes e Ukrainës, Hanna Malyar, ka shkruar në “Telegram” se njësitë pro-Kiev nuk kishin humbur asnjë pozicion të vetëm në Bakhmut.
Shefi i Wagner-it, Yevgeny Prigozhin, i cili ka akuzuar vazhdimisht forcat e armatosura të rregullta të Moskës për dështimin për të mbështetur siç duhet njerëzit e tij, tha të martën se brigada ruse ka braktisur pozicionet e saj.
"Ushtria jonë është duke ikur. Brigada e 72-të largua për tre km këtë mëngjes, ku unë kisha humbur rreth 500 burra”, ka thënë Prigozhin.
Komanda ushtarake lindore e Ukrainës tha se brigada ruse është dëmtuar rëndë, megjithëse shtoi se Rusia ende po përpiqej të pushtonte pjesën tjetër të qytetit.
Edhe
Ukraina lëshon mbi 400 dronë drejt Moskës teksa Zelensky përballet me protesta
Që nga java e kaluar, Prigozhin ka kërcënuar vazhdimisht se do ta tërheqë Wagnerin nga Bakhmuti nëse forcat e armatosura të rregullta të Rusisë nuk dërgojnë më shumë municion.
Përveç përplasjes së vazhdueshme me ministrinë ruse të mbrojtjes, Prigozhin ka shprehur gjithashtu shqetësime për një kundërofensivë ukrainase të premtuar prej kohësh për të rimarrë një pjesë të territorit që Rusia pushtoi pas pushtimit të vitit 2022.
