Ukraina dhe Rusia i sulmojnë bregdetet e njëra-tjetrës në Detin e Zi

(Reuters) - Ukraina dhe Rusia ndërmorën sulme ajrore në bregdetet përkatëse të Detit të Zi, në orët e para të mëngjesit të së enjtes, vetëm disa orë pasi bisedimet e drejtpërdrejta mes tyre nuk e arritën asnjë përparim për t’i dhënë fund luftës që zgjat prej gati tre vjetësh e gjysmë. 

Forcat ruse e kryen një tjetër sulm masiv me dronë ndaj portit ukrainas të Odesës në Detin e Zi, duke i plagosur të paktën katër persona dhe shkaktuar disa zjarre, si dhe dëme në qendrën historike të qytetit, e cila është një vend i trashëgimisë botërore të UNESCO-s. Tregu i famshëm Pryvoz në Odesë ishte një nga vendet e goditura, tha guvernatori rajonal Oleh Kiper.

Zyrtarët e emergjencës në rajonin Krasnodar të Rusisë, në Detin e Zi, thanë se mbetjet e një droni që ra, e vranë një grua në lagjen “Adler” pranë qytetit turistik të Soçit. Një grua e tjetër  po trajtohej në spital për plagë të rënda, thanë ata në aplikacionin “Telegram”  kreu administrativ i distriktit federal Sirius në jug të Soçit tha se një dron e goditi një bazë nafte, pa dhënë më shumë detaje. 

Rusia, gjithashtu  esulmoi rajonin qendror të Çerkasit gjatë natës, duke i plagosur shtatë persona, përfshirë një fëmijë nëntëvjeçar, dhe duke i dëmtuar dhjetëra ndërtesa banimi.