Ministria e Jashtme e Turqisë ka hedhur poshtë akuzat se ushtria e saj kreu sulmin që la të vrarë nëntë turistë në veri të Irakut, raportoi AP të enjten.
Ministri i Jashtëm, Mevlut Cavusoglu, tha se Turqia është e gatshme të bashkëpunojë me autoritetet irakiane për të ndriçuar “sulmin e pabesë”.
“Sipas informacionit që kemi marrë nga Forcat e Armatosura turke, ne nuk kemi kryer ndonjë sulm kundër civilëve”, tha ai. ‘Lufta jonë në Irak gjithmonë ka qenë kundër organizatës terroriste PKK”.
“I hedhim poshtë akuzat që janë ngritur kundër Turqisë”, tha Cavusoglu, ndërsa shtoi se Turqia beson se sulmi kishte qëllim të ndalonte operacionet ushtarake turke në rajon.
“Autoritetet irakiane nuk duhet të bien në këtë kurth”.
Edhe
Iraku akuzon Turqinë për sulmin që vrau nëntë civilë në Kurdistan
Të mërkurën, të paktën katër predha shpërthyen në zonën turistike Barakh që njihet si rajon kurd.
