-
Nga:
Associated Press
- 19 prill 2026 08:21
- Shpërndaje në:
Duke folur para gazetarëve në Zyrën Ovale të shtunën, presidenti i SHBA-së Donald Trump tha se po zhvillohen “bisedime shumë të mira” me Iranin, por theksoi se nuk do të lejojë që Teherani ta “shantazhojë” SHBA-në përmes Ngushticës së Hormuzit.
Ai shtoi se Irani po sillet “pak dinak, siç ka bërë për 47 vjet”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTrumpi rikujtoi gjithashtu se bllokada amerikane ndaj porteve iraniane do të vazhdojë derisa “marrëveshja jonë me Iranin të jetë 100% e përfunduar”.
Nga ana tjetër, kryetari i parlamentit të Iranit, Mohammad Bagher Ghalibaf, deklaroi se ndonëse “është bërë përparim” në negociatat për përfundimin e luftës me SHBA-në, të dyja palët janë “larg diskutimit përfundimtar”.
Ghalibaf, një nga negociatorët iranianë, ishte javën e kaluar në Pakistan për bisedime paqeje me përfaqësues amerikanë, përfshirë zëvendëspresidentin JD Vance.
Deri më tani nuk është caktuar një datë për raundin e ardhshëm të bisedimeve.
Irani thotë se Ngushtica e Hormuzit do të mbetet e mbyllur
Kryetari i Parlamentit iranian, Mohammed Bagher Qalibaf, ka deklaruar se është e pamundur që vendet e tjera të kalojnë nëpër Ngushtica e Hormuzit nëse Irani nuk mund ta bëjë këtë, duke theksuar se kjo pikë strategjike ndodhet tashmë nën kontrollin e Teheranit. Ai paralajmëroi se rihapja e plotë e qarkullimit në këtë korridor jetik detar do të varet nga heqja e bllokadës detare nga Shtetet e Bashkuara të Amerikës.
Në një deklaratë të transmetuar nga mediat gjysmëzyrtare iraniane, Qalibaf u shpreh se nëse Washingtoni nuk e heq bllokadën, trafiku në Ngushticën e Hormuzit “do të kufizohet patjetër”, duke rritur tensionet në një nga rrugët më të rëndësishme për tregtinë globale të energjisë.
Ndërkohë, një zyrtar i lartë iranian ka bërë të ditur se Irani nuk është ende i gatshëm për një raund të ri bisedimesh të drejtpërdrejta me SHBA-në, duke akuzuar Washingtonin për qëndrime “maksimaliste” në çështje kyçe.
Në një intervistë për The Associated Press, zëvendësministri i Jashtëm iranian, Saeed Khatibzadeh, deklaroi se vendi i tij nuk do t’ia dorëzojë uraniumin e pasuruar SHBA-së, duke hedhur poshtë pretendimet e bëra nga presidenti amerikan Donald Trump.
“Mund t’ju them se asnjë material i pasuruar nuk do të dërgohet në Shtetet e Bashkuara. Kjo është e papranueshme dhe nuk është pikënisje për negociata,” u shpreh Khatibzadeh, duke shtuar se Irani është i gatshëm të adresojë shqetësimet ekzistuese, por nuk do të pranojë kërkesa që i konsideron të papranueshme.