Të paktën tre persona kanë vdekur dhe dhjetëra të tjerë janë lënduar, pasi moti i keq dhe tornadot përfshinë disa pjesë të Kentakit, Indianës dhe Ohios gjatë natës të së enjtes.
Të tre vdekjet e konfirmuara ndodhën në qarkun Logan të Ohios, i cili u godit nga një tornado mbrëmjen e së enjtes, raportoi BBC.
Dhjetëra njerëz u lënduan gjithashtu në Indiana. Dhjetëra mijëra janë ende pa energji elektrike.
Shifra pritet të rritet pasi autoritetet të fillojnë të hetojnë përmasat e dëmeve.
Sipas autoriteteve në Logan County – rreth 112 km nga kryeqyteti i shtetit Columbus, dy nga vdekjet ndodhën në një park pranë Liqenit Indian. Personi i tretë besohet se ka vdekur në një vend tjetër.
Edhe
Gjashtë të vdekur nga tornadot në Tennessee
Disa zona ishin ende të paarritshme nga reaguesit e parë dhe policia të premten në mëngjes, si rezultat i mbeturinave dhe linjave të rrymës së rrëzuar.
