Të paktën tre persona kanë mbetur të vdekur pasi një zjarr shpërtheu në një fabrikë biskotash pranë qytetit qendror grek të Trikalës të hënën.
Dy persona të tjerë kanë mbetur të zhdukur, ka bërë të ditur brigada e zjarrfikësve.
Rreth 40 zjarrfikës dhe 13 kamionë janë përballur me flakët që kishin përfshirë gjithë çatinë e fabrikës.
Pronarja e fabrikës, Violanta S.A., ka thënë se shkaku i shpërthimit është ende i paqartë, sipas një deklarate të cituar nga Agjencia e Lajmeve të Athinës.
Tetë nga 13 personat në fabrikë arritën të shpëtonin, ndërsa tre trupa u gjetën dhe dy persona të tjerë rezultojnë të zhdukur, kanë thënë zyrtarët e zjarrfikësve për Reuters.
Gjashtë persona, përfshirë një zjarrfikës, janë trajtuar në një spital lokal, kryesisht për probleme të frymëmarrjes, por jeta e tyre nuk është në rrezik, sipas ministrisë së Shëndetësisë.
-
Mijëra të evakuuar në Greqi teksa zjarret në Evropë vazhdojnë të përhapen
-
Greqia vazhdon luftën me zjarret pas përplasjes së dy helikopterëve që po hidhnin ujë
-
Dy të vdekur nga përplasja e helikopterëve të zjarrfikësve në Greqi
-
Greqia lëshon urdhra të rinj evakuimi pasi zjarret përhapen deri pranë Athinës
-
Tre zjarrfikës të vdekur në Greqi teksa luftojnë zjarret pyjore