Çmimi “Nobel” për kimi është fituar nga tre shkencëtarë për punën e tyre në lidhjen e molekulave së bashku, proces ky i njohur ndryshe edhe si “kliko” kimia.
Puna e Carolyn Bertozzi, Morten Meldal dhe Barry Sharpless, mundëson që molekulat të lidhen së bashku, si të ishin pjesë të një loje “Lego”, raportoi BBC-ja të mërkurën.
Ky proces përdoret në trajtimet kundër zhvillimeve të kancerit dhe po ashtu për t’i sulmuar në mënyrë të drejtpërdrejtë qelizat e kancerit.
Puna e tre shkencëtarëve triumfues ka bërë që të transformohet mënyra se si kimia mund të funksionojë, duke e bërë atë më të thjeshtë dhe më efektive.
Carolyn Bertozzi, e cila ishte pioniere e kimisë bioortogonale që lidh qelizat e gjalla, është gruaja e tetë që fiton Nobelin në kimi.
"Unë jam absolutisht e habitur. Mezi marr frymë”, ka thënë Bertozzi nga SHBA-ja, duke rrëfyer për momentin kur Komiteti Nobel e thirri atë në mes të natës për çmimin.
Edhe
Dy shkencëtarë marrin çmimin Nobel për Kimi
Për profesorin, Barry Sharpless, gjithashtu nga SHBA-ja, kjo është hera e dytë që fiton çmim “Nobel”. Hera e parë ishte më 2001 për katalizatorët kiralë.
Profesori Morten Meldal, nga Danimarka, i tha BBC News se ishte "dridhur për gjysmë ore", pasi zbuloi se fitoi çmimin prestigjioz.
-
Çmimi Nobel për Kimi u ndahet tre shkencëtarëve për punën në strukturat organike metalike
-
“Nobeli” për kimi ndahet për shkencëtarët që zbuluan grimcat kuantike të përdorura në dritat LED
-
“Nobeli” për ekonomi për hulumtimin se si teknologjia i jep shtytje rritjes ekonomike
-
Çmimi Nobel në Fizikë shkon për tre shkencëtarët e mekanikës kuantike