Të paktën 14 persona kanë mbetur të vdekur dhe 46 të tjerë të plagosur si pasojë e një sulmi rus me raketë, të premten mbi Odesa, në jug të Ukrainës.
Një raketë e parë goditi shtëpitë dhe kur ekuipazhet e emergjencës mbërritën në vendngjarje ra një raketë e dytë, thanë autoritetet. Mes të vrarëve ishte një ndihmës dhe një punonjës i shërbimit të urgjencës, raportoi AP.
Sulmi ndodhi ndërsa rusët kanë nisur të votojnë në zgjedhjet presidenciale që është e sigurt se do të zgjasin sundimin e Vladimir Putinit edhe me gjashtë vjet të tjera pasi ai shtypi disidencën ndërsa lufta në Ukrainë shtrihet në vitin e saj të tretë.
Të paktën 10 shtëpi në Odesa dhe disa pajisje të shërbimit të urgjencës u dëmtuan në sulmin, i cili shkaktoi një zjarr të madh, sipas Shërbimit të Urgjencës të Ukrainës dhe guvernatorit rajonal Oleh Kiper.
Taktika e gjuajtjes së një rakete të dytë në të njëjtin vend, me qëllim goditjen e shpëtimtarëve, njihet në terma ushtarakë si një goditje e dyfishtë. Sulme të tilla shpesh godasin civilët.