Në Afganistan, talibanët e kanë marrë përgjegjësinë për sulmin vetëvrasës me makinë bombë në Kabul, i cili sipas qeverisë ka lënë të vdekur 24 persona dhe ka lënduar 42 të tjerë.
Zëdhënësi i ministrisë së Brendshme, Najib Danish, ka thënë se sulmi ka ndodhur në pjesën perëndimore të Kabulit dhe ka pasur cak, një autobus që po bartte punëtorët e ministrisë së Minierave.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoTalibanët kanë thënë përmes një deklarate se bomba ka shënjestuar dy autobusë në agjencisë shtetërore të spiunimit, duke lënë të vdekur 37 persona.
Salim Rasuli, drejtori i spitaleve në Kabul ka thënë se të paktën 13 persona kanë vdekur dhe 17 të tjerë të lënduar janë dërguar në spitale.
Ministria e Brendshme e ka cilësuar sulmin si “akt kriminal kundër njerëzimit”.
Në zonën ku ka ndodhur sulmi banojnë hazaratë, pakicë etnike shiite në Afganistan.
Pjestarët e këtij grupi kanë qenë cak i sulmeve nga talibanët dhe grupe tjera ekstremiste sunite në Afganistan dhe Pakistan.
Sulmi ka ndodhur në përvjetorin e sulmeve nga Shteti Islamik në Kabul, në të cilin u patën vdekur më shumë se 80 persona dhe 230 të tjerë ishin lënduar, shumica prej tyre, hazara.
Sipas Kombeve të Bashkuara, në Afganistan, vetëm në pjesën e parë të këtij viti kanë vdekur 1,662 civilë.