-
Përktheu:
Ideal Zhubi
- 15 prill 2025 12:29
- Shpërndaje në:
Ministri francez i Drejtësisë, Gerald Darmanin, ka bërë të ditur të martën se disa burgje franceze janë shënjestruar nga zjarri dhe armët automatike në natën e mbrëmshme.
“Ka pasur përpjekje për ta frikësuar stafin në disa burgje, që nga djegia e veturave e deri te gjuajtja me armë automatike”, ka shkruar Darmanin në rrjetin social X, dersia ka njoftuar se do të udhëtojë për në Toulon në jug të Francës më vonë gjatë ditës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Unë po shkoj në Toulon për të mbështetur oficerët e prekur. Republika e Francës po ballafaqohet me problemin e trafikut të drogës dhe po ndërmerr masa që do të shkatërrojnë rrjetet kriminale”, ka shtuar ai.
Një burim i afërt me ministrin ka thënë për agjencinë franceze të lajmeve (AFP) se sipas të gjitha gjasave sulmet kanë qenë të koordinuara dhe si kundërpërgjigje ndaj strategjisë së qeverisë për luftimin e trafikut të drogës.
Mediumi francez “Le Figaro” ka njoftuar se burgjet në Marseille, Valence, Nimes, Luynes, Villepinte dhe Nanterre ishin gjithashtu mes atyre që u prekën nga sulmet.