Shkon në 13 numri i të vdekurve nga zjarri në Hong Kong

Të paktën 13 persona kanë vdekur pasi një zjarr masiv përfshiu disa ndërtesa të larta në një kompleks banimi në Hong Kongu, njoftuan autoritetet. 

Sipas departamentit të zjarrfikësve nuk dihet ende numri i njerëzve që mund të jenë të bllokuar brenda. 28 persona kanë marrë lëndime, mes tyre disa punonjës të shërbimeve zjarrfikëse ndërsa përpiqeshin të shuanin flakët që përshkuan kullat 31-katëshe. 

Disa rrugë janë mbyllur dhe më shumë se 30 linja autobusësh janë devijuar, ka njoftuar departamenti i Transportit i Hong Kongut. Nuk dihet aktualisht se çfarë e ka shkaktuar zjarrin. 

Besohet se zjarri është përhapur përmes skelave prej bambuje në pjesën e jashtme të ndërtesave, teksa shërbimet e emergjencës janë duke bërë përpjekje për ta shuar zjarrin. 

Skelat prej bambuje janë të zakonshme në Hong Kong në projektet e ndërtimit dhe rinovimeve të ndërtesave, megjithëse qeveria ka njoftuar këtë vit se do të fillonte të hiqte gradualisht përdorimin e tyre për projekte publike për shkak të shqetësimeve për sigurinë.