Ushtria amerikane ka vendosur të mërkurën që të ulë të gjithë aeroplanët Osprey V-22, një javë pasi tetë anëtarë të forcave amerikane vdiqën nga rrëzimi i aeroplanit të këtij lloji në Japoni.
Ushtria amerikane mori këtë vendim pas hetimeve preliminare që konstatuan se rrëzimi i aeroplanit ndodhi për shkak të një dështimi të brendshëm dhe jo nga gabimi i ekuipazhit.
Rrëzimi ka nxitur dyshimet për sigurinë e Osprey, i cili ishte përfshirë në disa aksidente fatale për një kohë shumë të shkurtër.
Pas aksidentit edhe Japonia i ka vënë jashtë përdorimit 14 aeroplanët Osprey.
Ulja e aeroplanëve është bërë për të shmangur rrezikun teksa po vazhdon hetimi i ushtrisë amerikane.
Forcat ajrore nuk kanë treguar se sa gjatë nuk do të përdoret ky aeroplan.
Edhe
Gjashtë ushtarë amerikanë vdesin pas rrëzimit të aeroplanit në Irak
Mirëpo vendimi do të mbetet deri në përfundimin e hetimit të plotë për shkakun e rrëzimit të aeroplanit në Japoni.
Për këtë është e shqetësuar edhe Japonia që veçse kishte nisur ndërtimin e bazës së re për aeroplanët Osprey.
