Shtetet e Bashkuara të Amerikës kanë sanksionuar tre zyrtarë të inteligjencës iraniane mbi dyshimet për përfshirje në zhdukjen e ish-agjentit special të FBI-së, Robert Levinson, ka njoftuar Departamenti i Shtetit.
Sanksionet ndaj Reza Amiri Moghadam, Gholamhossein Mohammadnia dhe Taqi Daneshvar nga Ministria e Inteligjencës dhe Sigurisë së Iranit janë më të fundit në lidhje me zhdukjen e ish-agjentit, i cili Washingtoni beson se ishte rrëmbyer në Iran dhe ka vdekur në mbajtje.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSi rezultat i sanksioneve, çdo pronë e tyre nën juridiksionin e SHBA-së do të bllokohen.
Levinson u zhduk në mars të vitit 2007 pasi udhëtoi në një ishull të kontrolluar nga Irani për një takim për të kërkuar informacione lidhur me rast korrupsioni ku përfshihej ish-presidenti iranian, Hashemi Rafsanjani, raportoi Reuters.
Tre të sanksionuarit luajtën rol në rrëmbimin, mbajtjen dhe me gjasë vdekjen e Levinsonit, si dhe përpjekjet për ta mbuluar përgjegjësinë e Iranit, ka thënë Departamenti i Thesarit.